Zaburi 80 Swahili & English
Listen/Download AudioZaburi 80 (Swahili) | Psalms 80 (English) |
---|---|
Wewe uchungaye Israeli, usikie, Wewe umwongozaye Yusufu kama kundi; Wewe uketiye juu ya makerubi, utoe nuru. Zaburi 80:1 |
> Hear us, Shepherd of Israel, You who lead Joseph like a flock, You who sit above the cherubim, shine forth. |
Mbele ya Efraimu, na Benyamini, na Manase, Uziamshe nguvu zako, Uje, utuokoe. Zaburi 80:2 |
Before Ephraim and Benjamin and Manasseh, stir up your might! Come to save us! |
Ee Mungu, uturudishe, Uangazishe uso wako nasi tutaokoka. Zaburi 80:3 |
Turn us again, God. Cause your face to shine, And we will be saved. |
Ee Bwana, Mungu wa majeshi, hata lini Utayaghadhibikia maombi ya watu wako? Zaburi 80:4 |
Yahweh God of hosts, How long will you be angry against the prayer of your people? |
Umewalisha mkate wa machozi, Umewanywesha machozi kwa kipimo kikuu. Zaburi 80:5 |
You have fed them with the bread of tears, And given them tears to drink in large measure. |
Unatufanya sababu ya ugomvi kwa jirani zetu, Na adui zetu wanacheka wao kwa wao. Zaburi 80:6 |
You make us a source of contention to our neighbors. Our enemies laugh among themselves. |
Ee Mungu wa majeshi, uturudishe, Uangazishe uso wako nasi tutaokoka. Zaburi 80:7 |
Turn us again, God of hosts. Cause your face to shine, And we will be saved. |
Ulileta mzabibu kutoka Misri, Ukawafukuza mataifa ukaupanda. Zaburi 80:8 |
You brought a vine out of Egypt. You drove out the nations, and planted it. |
Ulitengeneza nafasi mbele yake, Nao ukatia mizizi sana ukaijaza nchi. Zaburi 80:9 |
You cleared the ground for it. It took deep root, and filled the land. |
Milima ilifunikwa kwa uvuli wake, Matawi yake ni kama mierezi ya Mungu. Zaburi 80:10 |
The mountains were covered with its shadow. Its boughs were like God's cedars. |
Nao uliyaeneza matawi yake hata baharini, Na vichipukizi vyake hata kunako Mto. Zaburi 80:11 |
It sent out its branches to the sea, Its shoots to the River. |
Kwa nini umezibomoa kuta zake, Wakauchuma wote wapitao njiani? Zaburi 80:12 |
Why have you broken down its walls, So that all those who pass by the way pluck it? |
Nguruwe wa msituni wanauharibu, Na hayawani wa kondeni wanautafuna. Zaburi 80:13 |
The boar out of the wood ravages it. The wild animals of the field feed on it. |
Ee Mungu wa majeshi, tunakusihi, urudi, Utazame toka juu uone, uujilie mzabibu huu. Zaburi 80:14 |
Turn again, we beg you, God of hosts. Look down from heaven, and see, and visit this vine, |
Na mche ule ulioupanda Kwa mkono wako wa kuume; Na tawi lile ulilolifanya Kuwa imara kwa nafsi yako. Zaburi 80:15 |
The stock which your right hand planted, The branch that you made strong for yourself. |
Umechomwa moto; umekatwa; Kwa lawama ya uso wako wanapotea. Zaburi 80:16 |
It's burned with fire. It's cut down. They perish at your rebuke. |
Mkono wako na uwe juu yake Mtu wa mkono wako wa kuume; Juu ya mwanadamu uliyemfanya Kuwa imara kwa nafsi yako; Zaburi 80:17 |
Let your hand be on the man of your right hand, On the son of man whom you made strong for yourself. |
Basi hatutakuacha kwa kurudi nyuma; Utuhuishe nasi tutaliitia jina lako. Zaburi 80:18 |
So we will not turn away from you. Revive us, and we will call on your name. |
Ee Bwana, Mungu wa majeshi, uturudishe, Uangazishe uso wako nasi tutaokoka. Zaburi 80:19 |
Turn us again, Yahweh God of hosts. Cause your face to shine, and we will be saved. |