Mithali 7 Swahili & English
Listen/Download Audio| Mithali 7 (Swahili) | Proverbs 7 (English) |
|---|---|
| Mwanangu, yashike maneno yangu, Na kuziweka amri zangu akiba kwako. Mithali 7:1 |
My son, keep my words. Lay up my commandments within you. |
| Uzishike amri zangu ukaishi, Na sheria yangu kama mboni ya jicho lako. Mithali 7:2 |
Keep my commandments and live; Guard my teaching as the apple of your eye. |
| Zifunge katika vidole vyako; Ziandike juu ya kibao cha moyo wako. Mithali 7:3 |
Bind them on your fingers. Write them on the tablet of your heart. |
| Mwambie hekima, Wewe ndiwe umbu langu; Mwite ufahamu jamaa yako mwanamke. Mithali 7:4 |
Tell wisdom, "You are my sister." Call understanding your relative, |
| Wapate kukulinda na malaya, Na mgeni akubembelezaye kwa maneno yake. Mithali 7:5 |
That they may keep you from the strange woman, From the foreigner who flatters with her words. |
| Maana katika dirisha la nyumba yangu Nalichungulia katika shubaka yake; Mithali 7:6 |
For at the window of my house, I looked out through my lattice. |
| Nikaona katikati ya wajinga, Nikamtambua miongoni mwa vijana, Kijana mmoja asiyekuwa na akili, Mithali 7:7 |
I saw among the simple ones. I discerned among the youths a young man void of understanding, |
| Akipita njiani karibu na pembe yake, Akiishika njia iendayo nyumbani kwake, Mithali 7:8 |
Passing through the street near her corner, He went the way to her house, |
| Wakati wa magharibi, wakati wa jioni, Usiku wa manane, gizani. Mithali 7:9 |
In the twilight, in the evening of the day, In the middle of the night and in the darkness. |
| Na tazama, mwanamke akamkuta, Ana mavazi ya kikahaba, mwerevu wa moyo; Mithali 7:10 |
Behold, there a woman met him with the attire of a prostitute, And with crafty intent. |
| Ana kelele, na ukaidi; Miguu yake haikai nyumbani mwake. Mithali 7:11 |
She is loud and defiant. Her feet don't stay in her house. |
| Mara yu katika njia kuu, mara viwanjani, Naye huotea kwenye pembe za kila njia. Mithali 7:12 |
Now she is in the streets, now in the squares, And lurking at every corner. |
| Basi akamshika, akambusu, Akamwambia kwa uso usio na haya, Mithali 7:13 |
So she caught him, and kissed him. With an impudent face she said to him: |
| Kwangu ziko sadaka za amani; Leo hivi nimeziondoa nadhiri zangu; Mithali 7:14 |
"Sacrifices of peace-offerings are with me. This day I have paid my vows. |
| Ndiyo maana nikatoka nikulaki, Nikutafute uso wako kwa bidii, nami nimekuona. Mithali 7:15 |
Therefore I came out to meet you, To diligently seek your face, And I have found you. |
| Nimetandika kitanda changu, magodoro mazuri, Kwa matandiko ya Kimisri yenye mistari. Mithali 7:16 |
I have spread my couch with carpets of tapestry, With striped cloths of the yarn of Egypt. |
| Nimetia kitanda changu manukato, Manemane na udi na mdalasini. Mithali 7:17 |
I have perfumed my bed with myrrh, aloes, and cinnamon. |
| Haya, na tushibe upendo hata asubuhi, Tujifurahishe nafsi zetu kwa mahaba. Mithali 7:18 |
Come, let's take our fill of loving until the morning. Let's solace ourselves with loving. |
| Maana mume wangu hayumo nyumbani, Amekwenda safari ya mbali; Mithali 7:19 |
For my husband isn't at home. He has gone on a long journey. |
| Amechukua mfuko wa fedha mkononi; Atarudi wakati wa mwezi mpevu. Mithali 7:20 |
He has taken a bag of money with him. He will come home at the full moon." |
| Kwa maneno yake mengi na ulaini akamshawishi, Kwa ubembelezi wa midomo yake akamshinda. Mithali 7:21 |
With persuasive words, she led him astray. With the flattering of her lips, she seduced him. |
| Huyo akafuatana naye mara hiyo, Kama vile ng'ombe aendavyo machinjoni; Au mpumbavu kuadhibiwa katika pingu; Mithali 7:22 |
He followed her immediately, As an ox goes to the slaughter, As a fool stepping into a noose. |
| Hata mshale umchome maini; Kama ndege aendaye haraka mtegoni; Wala hajui ya kuwa ni hasara ya nafsi yake. Mithali 7:23 |
Until an arrow strikes through his liver, As a bird hurries to the snare, And doesn't know that it will cost his life. |
| Basi, wanangu, nisikilizeni sasa, Mkayaangalie maneno ya kinywa changu. Mithali 7:24 |
Now therefore, sons, listen to me. Pay attention to the words of my mouth. |
| Moyo wako usizielekee njia zake, Wala usipotee katika mapito yake. Mithali 7:25 |
Don't let your heart turn to her ways. Don't go astray in her paths, |
| Maana amewaangusha wengi waliojeruhi, Naam, jumla ya waliouawa naye ni jeshi kubwa. Mithali 7:26 |
For she has thrown down many wounded. Yes, all her slain are a mighty host. |
| Nyumba yake ni njia ya kwenda kuzimu, Hushuka mpaka vyumba vya mauti. Mithali 7:27 |
Her house is the way to Sheol, Going down to the chambers of death. |